Shillong: Ka la don ka khubor hamsaia kaba saphriang ha ki social media, ba u nongialam ka liangpyrshah uba dei ruh u MLA ka TMC u Dr. Mukul Sangma u rung sha ka seng NPP.
Ka la mih ka khubor ruh ba u Dr. Mukul u la leit sha Delhi ha kaba u Conrad K Sangma, u Prestone Tynsong ruh kila leit ha kine ki sngi.
Hynrei kane baroh ka dei ka khubor thamula suda bad ka dur kaba la pynsaphriang ka dei kaba shu shna khlem don jingiadei eiei bad ka sain pyrthei.
Ha ka kynthoh, u nongialam ka TMC u Richard Marak, u la ong ba ka khubor ka dei kaba khlem nongrim eiei bad kaba thmu ban ialam bakla ia ki paidbah. U Dr. Mukul Sangma u don ha ka konstitwensi lajong jongu, ka Songsak bad leit iadon bynta ha ki prokram Balang bad um don eiei kum kata ka jingialang ha Shillong ne ha Delhi.
La ong ba u Dr. Mukul u pylleit jingmut na ka bynta ki paidbah ka Meghalaya bad ban tan ia ka sorkar ba ka dei ban ai jingshai sha ki paidbah ia ki kam jongka bad um don ka jingthmu kwah ramhah kumba pyrkhat ki parti ba ialeh pyrshah.
La kyntu ia ki lad pathai khubor ban pynthikna bad wad ia ki jingshisha, ym ban shna khlem nongrim.
Shna dur ki riew shim kabu, hana ba rung NPP u Dr. Mukul !
