Shillong: Ki nonghikai skul Deficit hapoh ka lama ka Khasi-Jaintia Deficit School Teachers Association (KJDSTA) kila byrthen ba kin mih na kamra klas ki skul sha madan, lada ka sorkar ka bat sah bad kam pyllait noh bad pynkiew ia ka Dearness Allowance (DA) sha ka 43-51 percent hapdeng u Kyllalyngkot, 2026.
Ki nonghikai KJDSTA kila pyllong ia ka jingialang paidbah mynta ka sngi ha madan Malki, ban pynsngew ia kiba bun ki mat kiba iadei bad ka pule puthi.
U President ka KJDSTA u babu Boswell S Pala ula ong ba u myntri rangbah uba leit tur bad kynduh briew man ka sngi, hynrei ia ki nonghikai Deficit la 20 sngi naduh ba kila ai jingthoh ban kynduh ia u, u khlem ai jubab eiei.
U babu Boswell ula kyntu ia ka sorkar ba kan sangeh ban pyndik ban leh shiliang ia ki nonghikai deficit ban pynioh ia ka hok jongki. Ula ong ba ka jingbuh kai ia ka pisa kaba dei ban ai sha kiwei, ka long kaba beain ha kaba ki nonghikai kiba la shongthait kim pat ioh pdiang satia ia ka DCRG da ki snem bad ki snem.
Ki nonghikai KJDSTA kila pyllong ia kane ka jingialang ban pynpaw pyrshah ia ka jingleh meinah ka sorkar ia ki jingeh jongki.
20 sngi u Conrad um jubab, ia kiwei wut shi wut u kynduh|yn mih surok ki nonghikai deficit ban dawa sei ia ka DA
