Shillong, Nohprah 14: Ka jingpyllong biang ia ka tamasa ialehkai king lieng,ka la wanrah ka jingkmen ka jingsngew tynnad kaba shlei ia ki nongshong shnong ka Elaka Darrang bad kumjuh ia ka shnong.
Ha ka jingiakren bad ki katto katne ki longkmie kiba ju iashim bynta ha ka jingiakop king lieng, kila pynpaw ia ka jingsngew tynnad ban iohi biang ia kane ka jingialehkai kaba ki ju ialehkai mynshwa ha ka por ba ki kham samla. Kila pynpaw ba ka jingpynkhie im biang ia kane ka jingialehkai, kan plie lad ruh ia ki khynnah ki bym pat sakhi ha ki por mynshwa.
Kila iathuh ba ki ju iashim bynta mynshwa ha ka jingiakop ha Dawki por ba pyllong ka Umsyiem bad ha kito ki snem, ka jingialehkai ka long kaba shongshit bha ha kaba ki briew ki wan iashim bynta wat na Bangladesh ruh bad da ki paidbah ki wan ban peitkai.
Ka Elaka Darrang ryngkat ka tnad Lariti ka jylla ka la pyllong ia ka jingiakop king lieng kaba ar sngi, kata ha ka 12 bad 13 tarik Nohprah 2025, shi bynta ban pynkhie im biang ia kane ka jingialehkai kaba ju leh naduh mynshwa ha wah Umngot.
Ki longkmie ka Darrang kim dei ki nongpeitkai, ki dei ki maji king lieng ba kynsai
