Shillong: Kawei ka longkmie ka la lait thaw na ka jingiap hadien ba ka lieng kaba ki iashong ka la ngam piaw hapdeng ka pung kaba jylliew bha hakhrum jingkieng Dawki.
Kane ka longkmie ka dei na shnong Darrang, bad ka la iathuh ba ki iashong 9 ngut ha ka lieng na shnong Darrang ban leit sha Dawki hynrei ynda la poi ha khrum jingkieng Dawki, ka lieng ka la ngam piaw shapoh um bad maka, hapdeng ka jingarmet, ka la iakhun tyngeh ban lait na ka jingiap lem bad kiwei ruh.
Hynrei ha kane ka jingjia, la don ka khun kynthei jongi kaba kham heh ka la khlad katba kiwei ki la lait im na ka jingiarap pat ki briew.
Ka la iathuh ba kane ka la jia ha u Jylliew ha u snem 1993 bad ka daw ka jingngam ka lieng, ka dei namar ba slap bad beh tyngeh ka lyer.
La iathuh ba ha kitei ki snem, ki nongshong shnong ka Darrang ki hap ban shong da ka lieng haba ki wan iew sha Dawki bad haba ki leit bri sha shiliang ka wah, namar ba ym pat don surok satia ha kitei ki snem. Hynrei naduh ba la ioh ia ka surok, kila kham aram ha kaba kim leit shuh da ka lieng hynrei ki leit ki wan da ka kali.
Kane ka longkmie ka dei kawei kaba satar ban iashim bynta ha ka jingiakop niah lieng ha ki por ba kham samla.
Hap ka longkmie ba armet hakhrum pung jingkieng Dawki ba ngam lieng
