Shillong: Ka All Meghalaya Dancer’s Associations kan rakhe dap 25 snem bad shi bynta halor kane, kan pyllong ia ka jingiakop shad kaba heh kaba tip kum ka Meghalaya superstar national level season 2 ha ka 26 bad 27 tarik mynta u Nohprah 2025 ha State Central Library, Shillong.
Ha katei ka sngi kin wan ruh ki Nongbishar kiba paw nabar kum Nepo uba dei u nongshad ba paw ka ri India uba la jop ia ka Red Bull Dance ha 2021 & 2023 bad ha ka kyrdan basaw ha India Best Dancer Season 4 ryngkat bad ka kynhun Unity One Crew kaba dei ka kynhun nongshad na Assam kiba la mihkhmat ia ka India ha ka World HipHop Dance Championship, bad kaba rah ruh ia ka nam lahduh hapoh India hiphop dance championship.
Ka jingthmu ban pynlong ia kane ka jingiakop shad ka long ban kyntiew ban plie lad iaki riewdonsap ka jylla Meghalaya ban ia tynjuh bor ruh bad ki snar nongshad ba nabar, la ong u bah Kitbok Thabah, President ka All Meghalayaya Dancer’s Association bad bah
Micky Paul Mawlong, Social secretary ka AMDA.
Yn wan bishar u nongshad hiphop ka India ha rynsan iakop shad Superstar National Level Season 2 ha Shillong
