Shillong: Ka kynhun jong ka Mawsaw C&RD Block Demand Committee ryngkat ka jingsynranlang u MLA ka Mawkyrwat u bah Renikton Tongkhar, ki la dawa na u Myntri Rangbah ka jylla halor ka jingdonkam ban thaw noh sa kawei ka Block ba thymmai kaban tip kum ka Mawsaw C&RD Block ha South West Khasi Hills District.
Ha kane ka thain, ki don kumba 118 tylli ki shnong bad ki don kumba 10 tylli ki Gram Sevak Circle ba dka jingbun paid katkum ka khanasumari jong u snem 2011, ki don kumba 60,000 ngut ka jingbun paid.
Ki shnong kiban hap hapoh kane ka Umsaw Block ki kynthup ka shnong Lalwani kaba don 9 shnong, Wahkaji 11 tylli ki shnong, Phlangdiloin 9 shnong, Nongsynrieh 6 shnong, Sngimawlein 7 shnong, Mawthawpdah 8 shnong, Rangblang 23 shnong, Mawsaw 10 shnong, Warsanlyngdoh 19 shnong, Umdohlun 16 shnong.
Haba kren sha ki lad pathai khubor u Chairman kane ka Committee u bah Commander Shangpliang, ula ong ba ki don kumba 7 ngut ki trai jaka kiba long kiba kloi ban ai jaka, lada ka sorkar ka mynjur ban ai ia ka Mawsaw C&RD Block.
La ong ba ka jingjngai jong ka shnong Mawsaw sha Mawkyrwat ka long kumba 28 km bad ki nongshong shnong ka thain Mawsaw ki iakynduh jingeh ban ioh ia ka jingshakri kaba pura namar ka jingjngai bad kane kan shim ia ka por jong ki.
Pyllait noh na ka Mawkyrwat, ai da ka Mawsaw, dawa Block u MLA bad ki paidbah
