Shillong: U Madiah Laloo uba ju paw bha ha ki rynsan social media ban pyni ia ki nongrim halor ki mat bapher bapher kiba ktah ia ka jylla, u la ai jingmut ha kaba iadei bad ka bhah thungkam hapdeng u Khasi-Jaintia bad Garo.
Ha ka jingsngewthuh jongu, ula sngew ba dei ban mang kyllum 40 percent ban iakhun u Garo, Khasi-Jaintia bad mar 15 percent pat dei ban mang kyrpang tang ia u Khasi-Jaintia bad 15 percent ia u Garo katba 10 Percent dei ban mang ia kiba duna dkhot bad kiwei. Kane ka mut ba baroh kan long 80 percent katba 20 percent kaba sah, yn ai kum ka general category.
U bah Snarbor Laloo uba ju khot ieid kum u Madiah Laloo u la ong ba ka Expert Committee kaba la aiti ia ka kaiphod sha ka sorkar jylla halor kane hynrei haduh mynta dang sah umdum namar ba ym pat ioh ia ka kaiphod ka Expert Committee.
Halor ka jingdawa Khasi-Jaintia State bad Garoland State, u Madiah ula ong ba ka shong ha ka sorkar pdeng namar ba ka lah ban urlong lashai lashi sngi ym lah ban tip bad lada ka urlong kan bha eh hynrei lada kam urlong hap ban pdiang kumba ka long mynta.
Hynrei Watla kumba long mynta, ki kam pynroi ki tuid bha sha Garo Hills lehse ba ki pynkhreh lypa ruh ym lah ban tip.
40 % kyllum ia u Khasi-Jaintia & Garo|mar 15% tang ia u Khasi-Jaintia & Garo, 10% ia ki disable na ka 80 % : Madiah
