Shillong: Ha kine ki sngi, ki pulit ka Ri-Bhoi kila ioh ia ka jingiaroh na ki paidbah hadien ba kila shim ia ka sienjam ban talasi naphang ia ki kali kiba pynkhein ain kynthup naduh kiba tah ïit iong, kiba dih kyiad bad kiba pynher sted.
Sa mynta ka kynti, ki pulit ka East Khasi Hills kila sdang ban talasi ban pied naphang ia ki kali kiba tah ïit iong beain.
Mynta ka sngi, la iohi ba ki pulit ha nongbah Shillong ki la pynlong ia ka jingtalasi bad pied ia ki plastic iong kiba tah ban buh rieh dur ia ki briew kiba don hapoh kali.
Ha ka jingtalasi kila ioh bun tylli ki kali paidbah kiba tah ïit iong naduh ki Maruti, ki Bolero bad kiwei bad ka shain kuna, hynrei khlem pat don ki kali sorkar kiba ngat ha kane ka sien ba mynta.
Law lypa noh ia ki plastic iong, ioh shah Pied bad ka kuna
