Shillong: U Working President ka KHNAM u bah Thomas Passah ula shah khot ha u Secretary ka Secretariat Administration Department (SAD) hadien ba ka la pan tip ia ka jingdon bad ki kyrteng jong kito kiba trei siew dor sngi ne daily wage ha Secretariat.
Haba kren mynta ka sngi, u bah Thomas ula ong ba ka seng ka kwah ia ki kyrteng jong kito kiba trei siew dor sngi ne daily wage worker kiba trei ha Secretariat ha kaba ka sorkar ka pyllut kumba 19 lak tyngka man u bnai na ka pisa u paidbah.
Ula ong ba la pynshai ha u Secretary ka SAD uba la khot hajir ia ki halor kane ka jingpan RTI bad la pynshai ruh ba ka jingpan RTI kam hap ha ka kyndon Section 8 ka RTI Act. U Bah Thomas ula ong ba lada 19 lak tyngka la siew tulop na ka pisa u paidbah, hato u paidbah um donhok ban tip ne ioh ka leit pynban sha pla jongno re jongno.
U la ong ba ka KHNAM kam shah ban pyndonkam bakla ia ka pisa u paidbah bad ula kynnoh ba ha kane ka tnad, ki thung ia u A, B, C bad ki thep ia u F,K,J katba mon bad kane kam dei ka rukom ban leh ha ka tand sorkar.
U la ong ba ka KHNAM ka pan RTI namar ba kwah ban pynkhuid ia ka bamsap bad ka rukom thungkam kaba bakla bad kam don kano kano ka jingkwah shimet.
La thung ia u A, B, C ki thep ia u F, K, J katba mon | Khot hajir u Secretary ba pan RTI ka KHNAM
