Shillong: Ka District Council Court Bar Association ka la maham ia ki paidbah ba kin husiar ban shup hah leh lem ia ki Affidavit ha ki agent namar ba kan long kaba mynsaw.
Kane ka long hadien ba la don ba pyrshang ban pyndonkam bakla ia ka jingsoi u majistor ka District Council Court.
Haba kren sha ki lad pathai khubor mynta ka sngi, ka Kong Saphira Marbaniang, ka General Secretary ka District Council Court Bar Association, ka kam ba la lap uba soi tuh ia ka jingsoi u majistor ka District Council Court hadien ba la ujor da ka ejahar ha ki pulit, kiba dang tohkit bniah ia kane ka kam.
Ka Kong Saphira ka la ong ba kito ki briew kiba donkam ban leh ia ki kam ha ka ain, ki dei ban leit beit sha ki nongiasaid ain, ym ban shu phah pateng ha ki ksiang ne agent kiba lah ban shim kabu pynban bad poi sha kaba mynsaw.
Ka la ong ba bun ki Common Service Centres (CSCs) bad ki cyber café kim dei ban leh “Affidavit namar ba kim don bor ban leh.
Husiar ban phah kam ha ki ksiang|Lap ia kiba soi tuh ia ka jingsoi u majistor ka District Council Court
