Shillong: U Bah Snarbor Laloo uba ju khot ieid bad tip paidbah u Madiah Laloo ula ong ba ula shoh jingieid ha ka seng Voice of the People Party (VPP).
Haba kren halor ka sain pyrthei, u Madiah ula ong ba ka daw kaba pyllong ia u ban ieid ia ka VPP ka dei namar ki nongrim jongka, kaba khring ia u sha ka sain pyrthei ban trei haba khuid kaba shai.
Ula ong ba un iai neh ha kane ka nongrim ka VPP kaba hikai ban ai ka jingsynshar kaba khuid kaba suba sha u paidbah.
Halor ka jingong u bah Ardent M Basaiawmoit ba ka jingduk kaba jur ka dei na ka jingduk ka bor pyrkhat, ym dei eh ka pisa, u Madiah ula ong ba u kubur ia ka jingong u bah Ardent hynrei ym ha kawei ka liang, bun ki briew kiba duk shisha ha ka bor pisa namar ba kim biang ka kamai kajih. U la ong ba ka sorkar ka leh ia kaba dei ban leh ban kyntiew ia ka jylla hynrei ka don ka jingduk jong ki briew namar ba balei dang hap leit pan pisa na ki MLA ha ka por elekshon, ym dei eh ba ki briew ki kangar. Ka donkam ia ka sorkar ban wad ia ki lynti ban kyntiew ia ka ioh ka kot ki nongshong shnong.
Halor ka 1951 kaba kren u Myntri Rangbah ka Assam u Himan Biswa Sarma ula kren ha kaba iadei bad ka kam u pud u sam ka Meghalaya bad ka Assam, u Madiah ula ong ba ki briew kiba shong ha katei ka thain ki kren Khasi bad don kiba kren Karbi bad ka jingbym ai ia u pud u sam uba shai, ka la pynkulmar jingmut ban pynbeit ia kane ka jingeh.
Ula ong ba donkam ban ai ia ka mon laitluid jong ki nongshong shnong shano ki kwah ban leit sha Assam ne sha Meghalaya.
Shoh jingieid u Madiah ia ka VPP namar ka nongrim ka jingsynshar kaba khuid
