Shillong: U MLA ka Umroi u bah Damanbait Lamare ula kren tyngeh ia u kontraktor ba dei ban pynsted ia ka jingpyntrei ia ka madan ialehkai Artificial turf ha Nongsder, Ri-Bhoi namar ba ka la slem ka rukom iaid ki kam.
Ula ong ba lada ka rukom ka long kumne sa lai snem ruh ym pat dep watla ka sorkar ka la buh por 24 bnai ne ar snem. Ula bthah ia u kontraktor ban pynbun nongtrei ba kin trei shait shait ban pyndep noh ia kane ka madan kaba la mang 9 klur tyngka.
Na ka liang u Rangbah Shnong ka Nongsder, u bah Junas Lyndem, ula kyntu ia u kontraktor ba un pyndep noh kloi ia ka madan namar ba ki khynnah ki samla kim ioh ialehkai shuh bad kin sa heh kpoh lut.
Ha kane ka jingjurip, la don ryngkat ki ophisar ka tnad ialehkai nalor u kontraktor bad kiwei.
Lada trei kumne te 3 snem ruh ym pat dep, ong u MLA Umroi| pynkloi ioh heh kpoh lut ki khynnah, ong u rangbah shnong
