Shillong: U nongialam ka TMC Meghalaya uba dei ruh u nongialam ka TMC u Dr. Mukul Sangma ula pyni dak ba un ym leit phai sha ka Congress bad ula maham ruh ia u para jong u, u Zenith M Sangma ba ula bakla ban leit biang sha ka Congress.
Haba kren mynta ka sngi, u Dr. Mukul ula ong ba shwa ba un mih na ka Congress, shwa ba un mih na ka Congress ula plan bha jai kumno ban iaid shakhmat ym ba shu mih jyndat.
Halor ka jingleit rung biang u para jong u, u Zenith M Sangma sha ka Congress na ka TMC, u Dr. Mukul ula ong ba ka jingleit rung u Zenith sha ka Congress ka dei kaba bakla bad un sa pynshisha ia kane.
U Dr. Mukul ula ong ka jinglong jingman ha ka Congress kam long shuh kaba bha bad ula ai nuksa ia kaei kaba la jia ha jylla Karnataka bad wat ha kane ka jylla Meghalaya ruh.
Haba kyntait ba ka kam ïing kam don jingiadei bad ka kam politik, u Dr. Mukul u la ong ba kampher lada u para jong u, ne ka para jongu, ki don bad kano kano ka seng sain pyrthei hynrei ialade ha ka politik u shim ba u don da ki spah bad ki hajar para, ki hymmen.
Shwa ban mih na Congress nga la don ka plan | u Zenith ula bakla ban leit biang sha Congress: Dr. Mukul
