Shillong: U nongialam ka TMC Meghalaya uba dei ruh u nongialam liangpyrshah u Dr. Mukul Sangma ula phla ba ki don katto katne ki MDC bad ki nongialam ka TMC kiba la pynsngew ha u, ba ki kwah ban mih noh.
Haba kren mynta ka sngi, u la ong ba um kwah ban buhrieh ia ka jingshisha, hynrei u kwah ban iathuh sha ki paidbah.
U Dr. Mukul ula ong ba ki don kiba wan kynduh ia u, ban peit noh da kawei ka lynti namar ba ki shem jingeh ha ka TMC. Bun ki briew kila kynthah ia ka TMC kaba kat ia ka jinglong jingman wat ha ka jingshisha ka dei ka party kaba biang lada bishar lei ia kaei kaba jia ha Parliament.
Hynrei wat la ki don kiba thmu ban mih noh hynrei, u Dr. Mukul ula ong ba ka TMC kan iakhun ia ka MDC elekshon sha ka Garo Hills Autonomous District Council (GHADC) kaban sa long lashem snem.
Bun ki MDC ka TMC ba kwah mih noh, phla u Dr. Mukul
