Shillong: U myntri ka tnad ka koit ka khiah ka jylla u bah Wailadmiki Shylla ula ong ba ka jingmang pisa shuh ka sorkar sa kumba 20 klur ka long ban pynkhlain ban ai ka jingiada pyrshah iaka jingpang HIV ha ki jaka ha ka jylla.
Haba kren mynta ka sngi, u bah Wailad ula ong ba kumba long mynta ki jaka test ia ka jingpang HIV ki don tang ha jaka sor hynrei ka sorkar ka kwah ban ai ka jingshakri sha jaka nongkyndong ruh bad na kata ka daw, ka donkam ban mang pisa ban thied ia ki tar bad ki jingdonkam.
Ha kajuh ka por, u la ong ba ka donkam ia ki paidbah ban tip ban sngewthuh khnang ban wan ban test namar ba lada ki paidbah kim ai ka jingiatreilang kan long kaba eh. Ula ong ba ki paidbah kim dei ban peitkhmat ia kito kiba don ia kane ka jingpang.
Sa 20 klur tam mang ka sorkar ban pynkhlain iada na HIV
