Shillong: U President ka Meghalaya Pradesh Congress Committee (MPCC) u bah Vincent H Pala u la ong ba ka jingpynkhreh jong ka kynhun ban thaw ia ka North East Regional Front, ka dei tang ka buit ban pynbiej ia ki paidbah.
Dang shen, u President ka NPP u Conrad Sangma, u nongialam ka Tipra Motha u Pradyot Bikram Manikya Debbarma bad Daniel Langthasa na Assam bad kiwei ki seng sain pyrthei kila saindur ban thaw ia ka North East Regional Front ban iakhun ia ki mat kiba dei jong ki paidbah kane ka thain.
Haba kren halor kane, u bah Pala u la kynnoh ba kane ka Front ka dei tang ka dur bula jong ka BJP ban pynbiej ia ki paidbah namar ba ha North East ki paidbah kim treh ia ka BJP bad na kata ka daw, ki sa thaw da kane ka buit.
U bah Pala ula kam ba ula iakynduh ia ki katto katne ki briew ka RSS bad ki nongialam ka BJP ha kad liengsuin, kiba iathuh ia u ia kane ka plan jongki.
Hynrei ula ong ba kan long kaba bha lada ki don ka jingmut kaba shisur shidur.
Ka Regional Front ka bula ka BJP, ban pynbiej, iathuh ki RSS, kam u bah Pala
