Shillong: Ki dkhot ka seng longkmie Umkra bad Village Defence Party (VDP) kila ioh bat ia ka kali kit kyiad ha ka 29 tarik Naiwieng 2025 haduh 10 byrni ka kyiad Khasi.
Ia kine ki kyiad la ioh bat na ka kali u Bah Phias Laloo lem bad u Bah Roibok Manih halor ka jingkynnoh ba ki la thmu ban pynpoi ia ka Kyaid Pyrsi beain sha katei ka thain.
La ioh bat ia ki ha ka miet sngi Saitjain da ka seng longkmie bad VDP katei ka shnong katba ki dang pynlong ia ka jingap miet ha shnong. La ioh kurup ia ka kyiad na kali Alto 800, kaba la niah da u Roibok Manih.
Ha ka jingtohkit ki seng longkmie bad VDP, u Roibok Manih, u la ong ba u shu niah kali bad ka Kyiad ka dei jong u Bah Phias Laloo.
Ki VDP ka shnong Umkra bad Seng Longkmie, ki la pyntip bad aiti noh sha ka Synjuk ki Rangbah Shnong ki 22 shnong ha katei ka thain, kiba la tian bishar ia kitei ki 2 ngut bad ryngkat ka jingdain kuna halor kane ka jingdie kyiad beain ha katei ka thain bad kila maham ba kim bit shuh ban bteng ia katei ka kam.
Ia katei ka kyiad la pynjulor noh da kaba theh bad thang syndon da ka ding.