Shillong: Ka FKJGP mynta ka sngi ka la pyllong ia ka jingkhynra ia ki bar jylla kiba shong dukan ha ka thain Motphran, Karikhana, Stand Jeep kum ka jingpynphai kylla ia ka jingshah beh ki Khasi kiba tyrwa die jingdie ha ka thain Khyndai Lad.
U Assistant General Secretary ka FKJGP bah Reginal Thabah ula ong ba kane ka sienjam ba la shim ka seng kmie bad ka tnad Shillong City ka long namar ba ka Shillong Municipal Board ka la beh ia ki Khasi kiba kamai jakpoh ha ka thain Khyndai.
Ula ong ba lada ki trai muluk kim lah ban trei laitluid ha la kajong ka ri, kiwei ruh ym dei ban ailad, kiba wan ban buhai shnong ha kane ka jaka.
Khynra ka Municipal ia ki Khasi, ngin khynra ia ki bar jylla: FKJGP
