Shillong: Ki jingioh lad kiba tyrwa sha, tyrwa soh, kwai ban iaid tyrwa sharum shaneng ha thain Khyndai Lad, ka la pyllong ia kito kiba la pynshong ka sorkar hapoh MUDA Parking Lot ba kin byrngem ban mih lang shabar ban die biang ia ki tiar lada ka sorkad ka ailad ia kiwei.
Kine ki nongdie madan kiba la shah rah sha khrum ka parking ka MUDA ha Khyndai Lad kila byrngem lang shabar ban tyrwa mar shabar kumba leh kiwei namar ba kim lah die shuh hapoh haba la don kiba die shabar.
Kane ka jingkren jongki, ka long hadien ba ka Shillong Municipal Board ka la beh ia ki nongtyrwa sha, tyrwa soh ha ki kriah ha ki shang kiba shu iaid sharum shaneng ha ka thain Khyndai Lad namar ba la mana ia katei ka thain kum ka jaka bym shah die jingdie madan shuh.
Kine kiba die jingdie ha khrum ka MUDA Parking Lot, kila pynpaw ba lada ka sorkar ka shah ia kiwei ban tyrwa die jingdie shabar sha surok, ka dei ban shah lang ia ki ruh, ba kin iamih ban tyrwa shabar namar ba kim lah die shuh lada shong ha katei ka jaka kaba pynbiang sorkar katba ka ailad ia kiwei pat ban tyrwa die shabar.
Kila pynpaw ba lada ailad ia kiba die shabar, kam don jingmut shuh ia ki ban shong shapoh namar ba ki briew kim wan thied shuh shapoh MUDA Parking lot namar ba kila thied na kiba tyrwa ha surok kum u biri, sikret, ki shong ki pai bad kiwei ki jingdie khutia.
Kila pynpaw ba ki sngew tynnad lada ka sorkar ka ailad ban mih shabar namar ba ki sngew set op ban shong shapoh MUDA.
Haba ailad ia kiwei, ka sorkar ka dei ban ailad lang ban mih die shabar, byrngem sa kiba shong hapoh MUDA
