Shillong: Ki nonghikai skul Lower Primary hapoh ka lama ka All Meghalaya Primary School Teacher Association ki la leit iashim bynta ha ka jingiakhih shong kyraiñ ne Dharna kaba la pynlong da ka All India Primary Teacher’s Federation (AIPTF) ha Jantar Mantar New Delhi ha ka sngi 24.11.2025 ban pyrshah ia ka rai ka Supreme Court kaba pynmih ha ka 1 tarik Nailur 2025 ban phah ba baroh ki nonghikai Primary school ki dei ban pass ia ka TET hapoh 2 snem naduh ba la pass ia kane ka hukum.
Ia kane ka jingleit iashim bynta la ialam u General Secretary u F.C Shullai bad u President u Dipak Marak.
Palat 50,000 hajar ngut ki nonghikai ki la wan na kylleng ki state ka ri India ban ia shim bynta ha kane ka jingshong kyraiñ bad palat spah ngut na Meghalaya kila snoh kti lang. U babu F.C Shullai u General Secretary ka AMPSTA/APSTA uba ai jingkren ha kane ka sngi ula pynpaw ba ki nonghikai na Meghalaya ha ka shatri ka AMPSTA / APSTA kin kyrshan ia ka rai jong ka AIPTF ban pyrshah ia ka rai ka supreme court.
Shong kyraiñ ki nonghikai LP ha Delhi ban pyrshah ia ka rai ka Supreme Court
