Shillong: Ka skulbah North-Eastern Hill University (NEHU) ka la pynmih ia ka hukum ha kane ka sngi Nyngkong ba baroh ki kali, ki ar shaka ki dei ban ym iaid palat ia ka 30 km ka jingsted hapoh phyllaw ka NEHU.
Kane ka sienjam kaba kila shim ka long hadien ka jingjia aksiden dang shen hapoh ka phyllaw kane ka skulbah kaba la ialam sha ka jingmynsaw jur ki ar ngut ki samla pule.
Kane ka sienjam ba la shim ka NEHU ka long ban tehlakam ia ka jingiaid khlem akor kaba la wanrah ka jingma ia ki nongiaid nongieng. Ka la maham ruh ba kiba ialeh pyrshah, kin shah shim kam kaba tyngeh.
Ka bor pyniaid ka NEHU kan buh ruh ia ka jingthoh ne signboard ba kiba niah kim dei ban palat ia ka 30 km ka jingsted bad kiba niah ar shaka, ki dei ban kup tupia katkum ka ain.
Iaid tang hapoh 30 hapoh phyllaw ka NEHU, maham ka skulbah ia ki 2 shaka bad kali
