Shillong: Ha ka janmiet ka 24 tarik Naiwieng, kumba ha ka por 4 baje duna eiei janmiet, u lumbah u la hap jbum ha harum Laitlyngkot surok bah ka Shillong-Pynursla-Dawki.
Kane ka jingtwa ka long kaba la sbum bha haduh ba ka la khang lad syndon sbak ia ka leit ka wan ki kali.
Hynrei ym ioh jingtip eiei ban don kano kano ka jingulor. Ka jingtwa ka lah ban dei namar ba ka kompeni ka dang tih surok ha katei ka thain.
La iohi ba ki puhshilum ki dang dem khui ban pynkhuid iaka twa ban pyllait ia ki kali ba leit ba wan.
Ka leit ka wan sha ka thain Pynursla ka la thut bha ha kine ki bnai ba la dep ruh na ka jingtih surok ka kompeni, kaba la pyllong ia ka SDO Pynursla ban pyrkhing iaid kali katkum ka por.
Ki nongleit nongwan ki hap ban husiar haba leit ba wan sha katei ka thain namar ba ka jingtih surok, ban lait na kano kano ka jingma.
Twa u lumbah harum Laitlyngkot, sahkut ka leit ka wan sha Pynursla
