Shillong: Mynta ka miet, ka 24 tarik Naiwieng 2025, bun bah ki kali kiba hiar na Shillong sha thain Pynursla ki la sahkut lut sbak harum Laitlyngkot na ka jingtwa kaba la jia kumba ha ka por 4 baje duna eiei janmiet, u lumbah u la hap jbum ha harum Laitlyngkot surok bah ka Shillong-Pynursla-Dawki.
Namar ba ka twa ka long kaba jur, haduh 10 baje duna mynmiet ruh ym pat lait kali satia bad bun ki driver kali, ki nongleit nongwan kila syllang namar ba khriat ha kane ka aiom bad sa ka jingthngan. La ioh jingtip ba don ki ba leit iaid kyllain noh sha Sohra, Sohbar sha Nongjri ban mih pat sha Pynursla namar ba dang I slem palat ban pynkhuid ia ka surok.
Kane ka jingtwa ka long kaba la sbum bha haduh ba ka la khang lad syndon sbak ia ka leit ka wan ki kali.
La iohi ba ki puhshilum ki dang dem khui ban pynkhuid iaka twa ban pyllait ia ki kali ba leit ba wan.
Ka leit ka wan sha ka thain Pynursla ka la thut bha ha kine ki bnai ba la dep ruh na ka jingtih surok ka kompeni, kaba la pyllong ia ka SDO Pynursla ban pyrkhing iaid kali katkum ka por.
Nalor ka khriat, ka thngan, don kiba leit iaid noh sha Sohra-Sohbar-Nongjri ban poi Pynursla
