Shillong: U MP ka Congress na Tura ula ong ba ka elekshon ha Bihar kam don jingiasnoh eiei bad ka jylla Meghalaya.
Ka jingmih ka result elekshon dang shen ha Bihar ha kaba ka Congress ka la shah rem kput, kam ym don jingktah shane namar ba ka iapher nadong shadong.
Haba kren mynta ka sngi, u Saleng ula ong ba ka mon kaba kut ka shong ha u paidbah ban jied ia kano kano ka party, kaba u sngew ba ka ieng ban iada ia ka hok jongki bad ym lah ban iathuh lypa ia ka mon u paidbah.
Ha kaba iadei bad ka jingtreikam ka bor pisa ha ka elekshon, u Saleng ula ong ba ka pisa ka neh tang shiphang bad hadien ki briew kin sa iam. U la ong ba lada ki briew kim iashim bynta da ka jingkhuid, bad lapmiet ban die ia ka vote na ka bynta ka lawei jongki ha ki politishian, ka shong ha ki ban jied.
Haba iadei bad ka Congress ha Meghalaya, u Saleng ula ong ba ki paidbah kim jngai na ka Congress namar ba ki kam ba ka leh na ka bynta ka jylla kum ka District Council.
Ka elekshon Bihar kam iasnoh eiei bad ha Meghalaya: Saleng
