Shillong: U Sirdar barim ka Umñiur-Tmar Elaka Sirdarship u bah Premiere Sing Khongbeh ula shah jied biang ha kane ka kynti kum u Acting Sidar ka Elaka.
U bah Premiere ula ioh 85 vote na ki 138 vote ha ka jingjied kaba la long ha ka 22 tarik Naiwieng 2025 ha Umñiuh. Ha kane ka jingiakhun, ki don 5 ngut ki rangbah kiba iashim bynta.
Ka jingpyllong ia ka elekshon jied Acting Sirdar ka long hadien ba u Sirdar u bah Namlamlad Khongshah ula iehnoh ne risain ia ka kam Sirdar ha ka 20 tarik Risaw 2025 na ki daw shimet jongu watla ka samoi ka dei ban kut haduh u 2027.
Halor kane, ka KHADC ka la bthah ban jied ia u Acting Sirdar jong ka Elaka na ka bynta ban pyniaid ia ka kam hima sima haduh ban pynbna da kumwei pat.
Ia kane ka dorbar ban jied ia u Acting Sirdar la pyniaid da u Secretary ka Dorbar Elaka Umñiuh-Tmar hapoh ka jingbthah ka KHADC.
Shah jied u bah Premiere kum u Acting Sirdar ka Umñiuh-Tmar Elaka
