Shillong: Uwei u briew uba ju ring bad pynmih video ha social media, ula shah kem halor ka jingleit pynkhein ia ki kyndon pyniaid tamasa Cherry Blossom kaba long ha Polo dang shen.
Une u briew u dei na Kamrup Assam uba sah ha Nongshiliang, Shillong bad kane ka jingleh jongu ban leit kiew sha rynsan kaba la mana, ka la pynkhein ia ki kyndon bad pyni khlem akor ia ki nongrwai kiba wan nabar ri.
Katkum ka khubor na ki pulit, u dei uba ju pynkhein teng ruh mynshwa ha ka tamasa cherry blossom ha 2024 mynshem snem da kaba leit rung jubor na jingker kaba lait. Ula rung jubor ruh ha ka concert u Ed Sheeran da kaba leh kum u nongpahara ne security guard da kaba phong da ka sopti green vest.
Ha kane ka kynti ha cherry blossom 2025, ula pynkhein da kaba leit kiew jubor ha Fanpit area ka Cherry Blossom ha ka por ba rwai u superstar Tyga kaba la pyllong ia ki bor pahara ban kthong ia u.
Shah kem uba na Assam ba kynthih puk na rynsan sha paidbah ha cherry blossom
