Shillong: U MLA ka Dadengre u Rupa M Marak jong ka TMC ula pynpaw ia ka lyngngoh bad sngewsih ba u khlem shah khot ban iadon lang ha ka jingplie ia ka Police Station ha Jengjalk aba hap ha ka konstitwensi jongu.
U Rupa u dei u MLA ka liangpyrshah, ula pynpaw ba u khlem shah khot satia ha kane ka jingplie ia kane ka police station ha kaba u myntri rangbah u Conrad K Sangma ula plie ia katei ka police station.
U Rupa ula ong ba ha ka por ba ha ka por ba buh maw nongrim ruh ki khot satia ia u kum u MLA ka thain katba ia u MLA barim pat u James PK Sangma ki khot.
Ha ka por ba plie ia ka Police Station u shu ioh jingtip na ki paralok bad kum u MLA u leit sha katei ka prokram, ym namar ba shah khot kyrpang na ka sorkar.
Ula buh jingkylli, hato kane ka dei ka rukom ka sorkar ban ibein ia ki MLA ka liangpyrshah tang namar ba ki rah ia ki mat kiba kwah ia ki paidbah ha ïing dorbar bad un iai kren beit ia ki jingdonkam u paidbah.
Paw ka jingleh shiliang ka sorkar, bitar u MLA bym shah khot ba plie Police Station u Conrad
