Shillong: Ka seng Hynniewtrep Youth Council (HYC) mynta ka sngi, ka la leit kynduh ia u heh ka Central Bureau of Investigation (CBI) ha Mawdiangdiang, Shillong ban pan jingshai halor ka jingmih ka jingtei kaba la ishan khmat ba ka dei ka jaka mane blei hapoh ka phyllaw kane ka ophis.
Kane ka jingleit kynduh ki nongialam ka seng, ka long hadien ba kila ai jingujor bad pan jingshai shwa ha kane ka taiew kaba la dep na kane ka ophis kaba khlem ai satia ka jubab.
Haba kren sha ki lad pathai khubor, u President ka HYC u bah Roykupar Synrem ula ong ba ha ka jingiakynduh, u DIG ka CBI ula pynshai ba ka jingtei kam dei ka jingmane blei hynrei ka dei tang ka jingtei ban kilanmet ne meditation centre.
U bah Roykupar ula ong ba ka seng kam pyrshah ia kano kano ka niam hynrei ki ophis sorkar kim dei ban pyni ia ka jingiashah niam namar ba ka ri India ka dei ka bym iashah ia kano kano ka niam.
Kam dei ban mane blei hynrei ka dei tang ka jaka kilanmet, ong u DIG ka CBI ha ka HYC
