Shillong: Ka kynhun ki Executive Member ka Khasi Hills Autonomous District council kiba kynthup ia u EM ka Development, u Bah Powell Sohkhlet, u EM ka Finance u Bah Seiborlang Warbah, u MDC shusieh, Bah Mathew Makdoh ryngkat ki ophisar ka KHADC ki kynduh ia ka Myntri ka tnad pla tyngka jong ka sorkar pdeng ka Nirmala Sitharaman ha New Delhi ban kyrpad ba kan pyllait pisa kaba ar na ka 15th Finance Commission.
Haba pyntip ia kane, u bah Powel u la ong ba ka myntri ka la bthah ruh ia ka Council ba kan pyndonkam da ka Portal jong ka ministry na ka bynta ban pyniaid ia ki skhim.
U nongaiktien ka EC u bah Powel ula ong ba la kyrpad ruh ia ka myntri ba kan ai song jingiarap kyrpang ia ka Council na ka bynta ki jingdonkam ba bun ka Council.
U Bah Powell u la iathuh ba ka jingiakynduh ka long kaba seisoh ha kaba ka la bthah ia ki ophisar ban wad ki lad ki lynti ban pyllait noh ia ka pisa kaba sah jong ka Fifteenth Finance Commission.
Ki la ïakynduh ruh ïa u Jt. Secretary bad ki ophisar jong ka Ministry of Panchayati Raj kaba dei ka tnad ba pyntreikam ïa ki Project jong ka Fifteenth Finance Commission.
Pan song kyrpang ki EM ka KHADC na ka myntri Pla Tyngka ka ri ia ka Council
