Shillong: Hadien 100 snem ba la wan iuhkjat ha kane ka ri Khasi-Jaintia ban ai ia ka jingnang jingstad, ka Ram Krishna Mission mynta ka kynti ka la plie sa ia ka College.
Ia kane ka College la plie mynta ka sngi ha Sohra da u Myntri Rangbah ka jylla u Conrad K Sangma ha ka jingdon lang u MLA ka Shella bah Balajied Synrem, u Swami Achyuteshananda, Trustee ka Ram Krishna Mission.
Kane ka college ka pyniasoh sha ka Captain Williamson Sangma State University.
Haba kren ha kane ka jingialang, u Conrad ula ong ba ka Ram Krishna Mission ka la ai ka jingshakri kaba kynsai ha ka pule puthi ban kyntiew ia ka longbriew manriew ryngkat ka mynsiem ban sheptieng ia u Blei, ban saindur ia ka akor ka burom bad ka jinglong ryntih ha ka jingim.
Ula kular ba ka sorkar kan peit ia ki jingeh jong ka Ram Krishna Mission ha kaba iadei ka jingioh bording, ka umbam umdih bad ka surok bad ula kular ba ka sorkar kan iai ai ka jingiatreilang na ka bynta ban kyntiew ia ki khynnah kiba dei ka lawei ka jylla.
Ha kane ka sngi, la ioh ruh ia ka jingshad, jingrwai na ki khynnah ka Ram Krishna Mission. U myntri rangbah ula pynkup burom ruh ia kiba leit mynshwa ha kane ka Ram Krishna Mission.
Hadien 100 snem, plie ka Ram Krishna sa ia ka college ha Sohra
