Shillong: Ia ka homestay kaba ai kyrteng ka Friendly Homestay ha Mawsyntai, Ri Bhoi la plie paidbah ha ka sngi Saitjain ka 15 tarik Naiwieng 2025 da u MLA ka Umsning u Dr. Celestine Lyngdoh.
Ia kane ka homestay ne ka ïing basa la seng ar ngut shi paralok kiba leit klas lang mynshwa, kata u Bah Finingstar Lyngdoh na ka shnong Mawsyntai bad u Bitai Binong na Marngar.
La sakhi lang ha kane ka sngi ryngkat u Bah Eleven Makdoh, Rangbah shnong Mawsyntai bad kiwei ki riew pawkhmat ka thain Mawsyntai.
Kum ka jingkitbok ia kine ki shiparalok, u MLA ka Umsning ula noh synniang T.10 hajar ba kin pyndonkam kum ban thied miej rit, ki mula ne kino kino kiba ki sngew bit.
U Dr. Celestine ula ong ba ki ïing basa ha Bhoi ki kham jem ka dor lada ianujor bad kiwei bad ula ai mynsiem ia kine ki samla kiba shim ia kane ka sienjam ban ieng ha la kajong ka kjat namar ba ka sorkar kam lah ban ai kam ia baroh ki samla.
U la ong ruh ba ha kane ka sorkar MDA, ban shna homestay ka ai 60 percent ka jingiarap bad ka pisa ruh ka pyllait wut wut tang shu pynbiang ia ki kot ki sla.
Ai kitbok u MLA ka Umsning da ka envelop ia ka Friendly Homestay
