Shillong: Ym tang ki paidbah hynrei ki heh ki hain ruh kim lah shah ban shu shong khlem da pynkhih met haba sawa ka jingtem, haba mih ka sur kaba syiang na ki nongrwai ha ka tamasa Cherry Blossom.
Naduh u Myntri Rangbah u Conrad K Sangma, ki symbud myntri rangbah bah Prestone Tynsong, bah Sniawbhalang Dhar ruh ki la shong shit bad lehkmen lang.
Ha ka Social media page jongu, u myntri rangbah u Conrad ula thep ia ka dur kaba u shon dur lang bad u bah Prestone, bah Sniawbha na rynsan ha syndah ka stage ka cherry blossom ryngkat ka jingthoh kaba ong, ka tamasa Cherry Blossom ka la wan biang, bad ka kham heh. Ki paidbah ki rwai naduh ki dohnud jongki ryngkat ka kynhun the Scritp, bad ki iashad kympum ryngkat ka Nora Fatehi bad u Jason Derulo.
U Conrad ula ong shuh, haba iadei bad ka tem ka put, ka Shillong ka ieng kum ka nongmuna bym lah satia ban iakop. Ki jingpynkhreh kiba tyrsiang shisha. Ka ioh ka kot ka India ka la kyrsoi bad ka Shillong ka dei u dohnud jongka, ai khublei ia ka kynhun kaba la pyllong ia kane ka sngi kaba kyrpang shisha.
Shit tain u Conrad, Prestone, Sniawbha ha Cherry Blossom
