Shillong: Haduh 10 ngut eiei ki briew kila iap bad kumba 35 ngut kila mynsaw jur hadien ba ka la don ka jingbthei kaba shyrkhei ha Nowgam Police Station ha Srinagar kaba la jia ha ka miet Sngi Thohdieng.
Kane ka jingbthei ka la jia haba ki briew ka sorkar ki dang shim ia ki nongmuna na kawei ka jaka kaba la buh ia ki tiar pynbthei ba la kurup dang shen ha kaba iadei bad ki kam pyntriem ha Faridabad.
Kiba iohi ia kane bad lyngba ka CCTV ha katei ka jaka, ka la pyni ba ka jingbthei ka la bthei na kawei ka jingtei kaba la pynmih ia ki thylliej ding ba shyrkhei bad jlang sha suin bneng.
Katkum ki tyllong khubor, ka jingjulor ka lah ban jur bha namar ba bun bah ki briew kila mynsaw bad ki don ruh kiba dang jah. Ki pulit ki dang iakhun ban pyllait im ia kiba ngat ha kane ka jingjia. Kiba tohkit kila iathuh ba ia ki lyngkhot met la lap ba ki saphred haduh 300 metre na ka jaka kaba la jia.
Ki pulit ki dang tohkit ia kane ka jingjia bad kila suba jur ba ka lah ban dei na ka jingbthei u ammonium nitrate bad kawei pat ka lah ban dei ka jingkhyrwit ki riew pyntriem.
Katkum ki briew sorkar, ka jingbthei ka jia katba ki pulit ki dang eksamin ia ki tiar pynbthei kiba la wanrah na Faridabad. Kumba 350 kg ki tiar pynbthei la ioh kurup bad la buh hapoh ka police station.
Ia ki kynja dawai ne chemical la phah sha police forensic lab hynrei ia ki met jong ki briew la rah sha Police Control Room ha Srinagar.
Ka jingtohkit kan long ruh ban wad hato ki tiar kiba la kurup ki dei kiba la shna kum ki bomb IED kaba la wanrah ia ka jingbthei kaba shyrkhei. Ka seng PAFF, kaba dei ka syrngiew ka Jaish-e-Mohammed, ka la kam ia kane watla ki bor pulit kim pat ban thikna.
Ki bor shipai, ki ksew ban ksam kila tawiar ia katei ka jingjia. U Deputy Commissioner ka Srinagar u Akshay Labroo ula leit jngoh ia ki briew kiba mynsaw ha hospital.