Shillong: Lehse kam dei ka kam kaba suk kaba sngew tynnad na ka bynta kiwei ban shang kylleng kylleng ka ri Khasi-Jaintia ban shu leit tyrwa die ia ki mar da ka met. Pynban kane kam lah khang ia uwei u rangbah.
La 40 snem kynthih u bah Sbotsing Kharmalki ula pyllong ia la ka met lajong kum ka dukan, da kaba wah rynjain ia ki tiar ki tar ha la ki tyrpeng, ki pla shadem bad ha ki kti baroh ar liang ryngkat ka pyrta da ka shyntur ia ki briew ban thied ia ki tiar.
U bah Sbotsing u dei na shnong Sohryngkham, bad ula leh ia kane ka kam ha kine ki 4 tylli ki phew snem tam wat ha ka rta kaba ula kot sha ka 70 snem eiei hynrei u dang bteng ban leit tyrwa die die da ka kjat kylleng kylleng.
Haba iakren khyndiat bad u, u bah Sbotsing ula iathuh ba u sngew tynnad ban leit tyrwa tiar kumne kylleng ki jaka naduh mynshwa bad um kwah ban shong dukan namar ba u sngew kham biang ka jingkamai da kaba leit tyrwa kumne. Ula shang kylleng ki jaka kum sha Jaintia Hills, sha Bhoi, sha Sohra bad kiwei ki jaka bad khamtam ha sor Shillong.
Ki tiar kiba u ju die ki long ki pla snieh, khulum, sati, tupia, jri siat sim, bad kiwei kiwei bad u shu lait bai sngi beit ban pyndap ia ki jingdonkam ha ïing hasem.
Hynrei kaba sngew tynnad bad ktik ka long ba u bah Sbotsing um dei tang u nongdie dukan ha ka met, hynrei u dei u kaitor uba tbit bha ban rwai bad ki don ki jingrwai kiba ula wan rekod naduh Kolkata ha ki snem ba mynshwa.
Ki jingrwai jong u kiba shoh mynsiem shisha bad kiba don jingmut bad kiba iahap tara bha sbiak sbak.
45 snem pyllong dukan u rangbah ia la ka met lajong | u dei ruh u kaitor ba kynsai
