Shillong: Ka longkmie kaba dang pyndep ia ka klas III, ka die jingdie madan ha Laitumkhrah, hynrei ka sap ba ka don kam lah ban shu pysnep ei, katba ka dang die jingdie ka la pyndonkam ruh ia u khulom bad ka kot sada ban thoh poitri haba ym don briew ba wan thied jingthied.
Kane ka longkmie ka dei ka kong Sbunbha Kharumnuid kaba na shnong Laitlum. Ia ka kot jongka kaba la thoh ha ka poitri, kaba kyrteng ka ‘Umpohliew Ka Jingshemphang’ la pyllait da u MDC ka Nongkrem bah Kitborlang Syiem, ryngkat u Father Suresh Kagoo, ha ka jingdon lang kiwei pat ha Martin Luther Christian University (MLCU) mynta ka sngi.
Ka Kong Sbunbha ka la thoh ia kine ki poitri naduh u snem 2019 bad la lah ban pynmih syndon mynta.
Kiwei kiba leit pule ha ki skulbah ki ialeh ia ka PhD da kaba thoh kot namar ba ki kwah ban ioh kyrdan doctor hynrei kane ka longkmie ka thoh kot namar ba ka kwah ban iasam ia ki symboh pyrkhat na ka bynta ka lawei ki khun ki kti.
Ha kane ka kot poitri jongka, ka la thoh ia ka Shnong Laitumkhrah, Lum Rapleng, Ha Thain Motphran, ka Laitlum bad kiwei.
Thoh kot ka longkmie Katba dang shong die madan | Ka pass Klas III, kiwei thoh kot tang ban ioh kyrdan doctor
