Shillong: Ka seng ki trai bad nongniah trok hapoh ka lama ka Meghalaya Commercial and Truck owner Driver Association (MCTODA) kila iapajut kti noh bad ki kompeni shna dewbilat hadien ba kila iapoi sha ka jingmynjur ia ka dor kit thymmai.
Ia ka rai halor kane, la shim ha ka jingialang mynta ka sngi, ka 13 tarik Naiwieng 2025, kaba la don lang ki ar ngut ki symbud myntri rangbah kynthup bah Prestone Tynsong, bah Sniawbhalang Dhar, ryngkat ki nongialam na ki kompeni shna dewbilat bad ki nongialam ka MCTODA.
Dang shen, saw ngut ki nongialam ka MCTODA kila shah kem halor ka jingpyllong ia ka jingiakhih ban dawa pynkiew ia ka dor bai kit dewbilat.
Ha ka jingiakren, ki trai ki kompeni dewbilat ki la pdiang ia ka jingdawa jong ki Trai bad nongñiah trok, ban siew beit 9 tynka 1 kilometre na bynta shi ton ia ka dewbilat bad u Clinker.
Halor ka jingpynrung ia ki trok ban ioh kit jingkit ha ka shi Sngi, kin dang hap ban iakren biang bad la buh por shi taiew ia ka company ban shim ia ka rai.
Ha ka jingiakren la don lang ruh u Deputy commissioner jong ka East Jaintia bad ruh ki SP na baroh 2 tylli ki District West bad East Jaintia Hills, lem bad ki nongmihkhmat na ki 8 tylli ki company dewbilat.
Iapajut kti noh ki nongniah bad trai trok bad ki kompeni dewbilat | yn iaid ka dor thymmai
