Shillong: Ka Congress ka la kyrmen ba kan khie im biang ha ka jylla Meghalaya hadien ba ki paidbah kim lah satia ban pdiang ia ka BJP kaba la leh ia ki kam bym lah ban pdiang da ki paidbah.
Kane ka jingkyrmen ka Congress ka long hadien ba don ki nongialam barim khamtam ha Garo Hills kiba la wan ban iasoh biang ha ka seng.
Ka Working President ka MPCC ka Deborah Marak ka la ong ba kine ki nongialam kila wan iasoh biang sha ka party kum u Zenith M Sangma khlem kano kano ka kyndon.
Halor ka jingkylli ba ka party kan pdiang ne em ia u Dr. Mukul Sangma lada u wan phai, ka Deborah ka la ong ba ka party kam don kano kano kaba khang iano iano ban wan iasoh hynrei kam kwah ban kren jrong halor u Dr. Mukul Sangma.
Ka la kam ba ki don shibun kiban wan iasoh tangba ha ka politik, hap ban buhrieh jar jar bad yn sa paw pyrthei pat ynda kila wan ban iasoh.
Ka la ong ba kila don 67 ngut kiba la pan ticket ban iakhun ia ka MDC elekshon sha GHADC bad namar ba nang bun kiba kwah ban pan ticket, ka party kan khang noh ia ka jingkhang ban pan ticket.
Buhrieh shwa ka Congress ia kiba kwah rung | Ym lah ong eiei halor u U Dr. Mukul
