Shillong: Ha ka janmiet ka sngi Saitjain, ki pulit ka Mawngap Police Station ryngkat ki nongialam jong ka Joint Action Committee (JAC) ba kynthup 6 shnong, ka Lad Mawreng, Mawkalum, Mawreng, Langkhwir, Kharnongwah bad ka Mawreng Mihngi.
Ka jingjurip ka long ban pynbeit ia ka iaid ka ieng ki kali ha katei ka Lad Mawreng kaba ju sahkut kali bha khamtam ha ka por ba leit ophis, leit ophis ki briew namar ba katei ka jaka, ka dei kaba long iew, kaba la wanrah ka jingthut ia ki paidbah.
U rangbah shnong ka Lad Mawreng uba dei ruh u Chairman ka JAC u bah Craft Kurbah ula ong ba ka JAC ka la buh ka jingkyrpad ia ka sorkar khamtam ia ka tnad pulit ba kan buh noh ia ka Traffic Branch ha Mawngap Police Station kaban peit ia ka jingpyniaid ia ki kali ha ka thain ban pynlait na kano kano ka jingeh ki paidbah.
U la ong ba lada ka sorkar kam lah ban buh da ka Traffic Branch ruh hynrei kan buh shwa da ka Traffic Unit kan iarap ia ka tnat pulit ban pyniaid ia ki kali namar ba kumba ka long mynta, ki duna briew ban peit ia ka kam pyniaid kali namar ba ki hap ban tare bun kiwei pat ki kam.
Ka Lad Mawreng ka dei kawei ka jaka kaba don iew kaba bunkam bha baroh shi sngi namar ba ka dei ka surok bah ban leit sha Nongstoin bad sha thain Mawsynram, Mawkyrwat bad ka la donkam ban don ka jingpyniaid kali bad kiwei ki bynta kiba hap ha katei ka thain naduh 7mer ter ter wat ha ka thain Tyrsad ruh kumjuh.
Donkam Traffic Branch ha Mawngap, ong ka JAC ban pyniaid kali ha Lad Mawreng
