Shillong: Ka Khasi students union (KSU) Mawprem Circle kumba ju leh man la u snem, mynta ka sngi saitjaiñ ka 8 Tarik Naiwieng 2025 kala Pynkup Burom ia ki samla pule kiba pass bad wan shakhmat ha ki kyrdan bapher bapher ha ka 11th Mait shaphang Achievement Award 2025.
Ha kane ka sngi u Bah Paul Lyngdoh MLA ka Shillong west uba long ruh u President barim ka KSU ula wan ban sakhi lang kum u Kongsan bad aiti ia ki khusnam sha ki Samla Pule, La sakhia ruh ia ka jingdon ryngkat u President Rangbah ba mynta ka KSU u Samla Lambokstarwell Marngar kum u Symbud Kongsan nalor ki nongkitkam ka KSU Mawprem Circle Ryngkat kiwei pat kiba la shah khot sngewbha.
Haba kren kum u Kongsan u Bah Paul Lyngdoh ula ong haba u long u Minister sorkar u shah kren beij lai phewjait bad ula ong ba u sngewsarong ba shah kren beiñ namar uba shah kren beiñ u dei u Briew uba dangim bad don jingkyrmen bad u briew uba ju shah iaroh udei u la iap bad ym don jingkyrmen.
U Bah Paul ula Kyntu ia ki samla pule, kiba Don ha ki kyrdan bapher bapher ba kin pule bad bud ka nuksa u Mawlynnai namar u Shimpor da ki million snem ba un long u Mawlynnai bad long kiba skhem ha ki jingmut jingpyrkhat bad ban iai shah ban kylla long kum u Mawlynnai.
Na ka liang u President Rangbah ka KSU haba kren kum u Symbud Kongsan ula ong ka jingpynkup Burom kadei tang ka jingai iba rit hynrei kynmaw ba ka jingaimynsiem ka long kaba khraw bad kordor na bynta ki samla pule ka Jaitbynriew.
U Bah Marngar ula kren diaw ba naduh u snem 2013 ym don ki samla khasi kiba iakhun ne pass ia ka Exam UPSC ban long ki Ophisar Heh Kyrdan bad ula buh Jingkylli balei kiwei ki samla na kiwei ki Jylla long ki Ophisar Heh Kyrdan katba ki samla khasi ki duna bad kim lah ia kata kaba ioh lem kiwei.
U Bah Marngar ula Kyntu ia Baroh ki Samla ka Jaitbynriew da kaba ong lah biang ban long ki Nongrah file ne ki nongplie jingkhang jongno rea jongno ki Jaitbynriew hynrei ai ba kiwei kin long ki Nongrah file nongplie jingkhang Jong ki trai ri trai muluk bad dei ban shynshar da ki trairi trai muluk ia ka shynshar ka khadar ban saiñ dur ia ka Jaitbynriew bad ka Jylla hi baroh kawei.
Wat pule ban long tang ki Nongrah File, Nongplie Jingkhang Jongno re jongno: KSU President
