Shillong: Ka huri hura ka la bthei hapdeng ki pulit bad ki nongniah bad ki trai trok kamai ha Mawryngkneng hadien ba ki nongniah trok hapoh ka lama Meghalaya Commercial Truck Owners and Drivers Association (MCTODA) ki pyllong ia ka jingiakhih ban dawa ban pynkiew bai kit ia ka dewbilat bad ki dpei ne clinker na ki karkhana.
Halor kane ka jinghuri hura, ki pulit kila kem saw ngut ki nongialam ka MCTODA kynthup u president bah Moskalander Marngar, halor ka jingkynnoh ba ki khang lad ia ki pulit kiba pahara ia ki trok kit dewbilat bad clinker na Puriang.
Kiwei pat kiba shah kem ki long u Heibor Pariat, Thrangbor Lyngdoh, bad Teibor Marngar.
U SP ka East Khasi Hills u bah Vivek Syiem, u la ong ba la pynngat ia ki ha ki kyndon ka MMPO Act bad ka Bharatiya Nyaya Sanhita (BNS).
u SP u la ong ba ki pulit ki la shah khang lad ha ki briew kumba 200 ngut kiba dei ki nongniah trok ha Mawryngkneng bad wat hapdeng ka jingkyrpad ki masjistor ban ailad ia ki trok ban iaid hynrei kim shah satia haduh ba ki pulit ki hap ban tied da u lathi ban pynpra ia ki paidbah.
Mih ka huri hura hapdeng ki pulit bad ki nongniah trok ha Mawryngkneng
