Shillong: Ka Seng Khasi ryngkat ka Serin raij, ki la pynkhreh ban pynieng ia ki mawbynna sah nam ha u Lum Sohpetbneng.
Ka jingpynieng ia kine ki mawbynna sah nam, ka long kum shi bynta ba ka Seng Khasi Kmie, Mawkhar Shillong ka rakhe ia ka lyngkhuh snem kaba 125 jongka, bad ka jingpynieng ia kine ki mawbynna baroh kan long ha ka 9 tarik mynta u bnai kaban sdang naduh ka por 8 baje mynstep.
U Rgh Dipshon L Nongbri: Vice President, Rgh Paia B Synrem:, Rgh hamar Singh Kharhmar: Cultural Secretary jong ka Seng Khasi Kmie ki la pyntip ba ha ka por 3 baje nohphai sngi jong kane ka sngi, u Lat ka jylla u C.H Vijayashankar, un wan ban sakhi lem ia ka jingpynieng ia kine ki mawbynna sah nam, kiba la dep ban pynpoi lypa da kitei ki tnat jong ka Seng Khasi bad Sein Raij.
Haba iadei bad kane, na ka liang ki nongialam jong ka seng, lyngba kane ka jingiakren bad ki lad pathai khubor, ki shim ruh ia kane ka kabu ba kin kyntu bad ialap iawer ia la ki parakur ki parakha baroh na kylleng sawdong ka bri Hynniewtrep Hynniaw Skum U Hynniaw Wasa, ba kin ia wan lang ha kaban sakhi ia kane ka sngi, kaba long artad ka sngi kaban pynsah jingkynmaw , ba ha kum kane ka sngi, ka Seng Khasi Kmie, kan shin ia ka sien jam ba kan pynieng ia kine ki mawbynna ha ki bynta jong une u lum ba kyntang jong ka jaidbynriew.
Da ki maw bynna 40 tylli yn thung ka Seng Khasi Sein Riaj ha u Lum Sohpetbneng
