Shillong: Khnang ba u Vice Chancellor ka NEHU u Prof. Prabha Shankar Shukla un ym ioh ban peit ban pule ia ki file, ka mynta ka janmiet 4 tarik Naiwieng 2025, ka KSU NEHU Unit bad ka NEHUSU kila khang tala noh ia ki kamra jong ka Administrative Block ka NEHU.
Kane ka jingkhang tala ka la long ban pyrshah hadien ba ki la ioh jingtip ba ha ka 14 tarik u Naiwieng 2025 kan don ka Executive Council Meeting ha Delhi ban pyniaid u Vice Chancellor u Prof. Prabha Shankar Shukla.
U President jong ka NEHUSU u samla Melamlynti Markhap bad u President ka KSU NEHU Unit u samla Robines Nongrem ki la iathuh ba hadien ba ki la ioh jingtip ia kane, kila rai shim ia kane ka sienjam namar ba ka long khongpong ia kaei kaba ki la dep ban ia kren bad ka Ministry.
Kila ong ba ka jingkhang tala ka long ban pyntikna ba ki File kim dei ban leit shano shano ruh namar ba ki pyrshah ia ka jingthmu u Prof. Shukla ban pyniaid ia ka jingialang namar ba kim kwah shuh ba un dang don ha NEHU ne ba un pyniaid ia ka NEHU naduh ba kila pyllong ia ka jingiakhih kaba jur naduh mynshem snem.
Ban ioh lad pule file u VC Prof. Shukla, khang tala ka KSU, NEHUSU ia ki kamra ka Administrative Block ka NEHU
