Shillong: U Myntri Sorkar Pdeng ba dei khmih ia ki Tnad Communications bad Development of North Eastern Region, u Jyotiraditya M. Scindia ula pynkynmaw ba u Myntri Rangbah ka jylla u Conrad K Sangma u ju leit ha kamra jongu, ban pan ia ka eroplein heh ne ki Boeng, ki airbus kiba lah ban kit briew spah ngut na Umroi.
Haba kren ha Sohra ha ka sngi Saitjain, ka 1 tarik Naiwieng 2025, u Scindia ula iathuh ba u Conrad u la wan tied ia ka jingkhang jong u bad ula pan ia ki liengsuin heh ban wan dem bad her ha Umroi namar ba ia mynta la her tang ki eroplein rit.
Ula kyrpad ia ki paidbah ban ai ka jingthap kti kaba jam na ka bynta u Conrad halor kane.
U la ong ba ka jingpynheh ïa ka Kad Liengsuiñ Umroi ban don ki liengsuiñ kiba kham heh, kan iarap ia ka jingkiew stet ha ka jingpynher liengsuiñ man la u snem ban kyntiew ia ka kam jngohkai pyrthei, ha kaba ki briew na kylleng kin wan ban mad ia ka jingitynnad ka mariang ha Meghalaya.
U Scindia u la pynpaw ruh ba ka jingpynheh ia ka runway jong ka kad liengsuin ha Umroi bad ka Shillong Western Bypass kaba thymmai kan pynduna ia ka por leit jingleit hapdeng ka Guwahati bad Sohra sha kumba saw kynta, ka ban pynjan shuh shuh ia kane ka thain sha ki jaka jngohkai bad ki jaka khaii pateng.
U wan tied ia ka jingkhang jong nga, u wan pan airbus: Scindia
