Shillong: U khynnah uba la shah kem halor ka jingkynnoh donkti ban pyniap ia I khynnah ba dang 4 snem ha Nongrah, Shillong u don ha ka Observation Home kaba peit ka tnad Social Welfare ka jylla.
Ka Director ka tnad Social Welfare ka ka Camelia Doreen Lyngwa ka la iathuh ba ka Juvenile Justice Board ka ju shong bishar man ka lai bnai bad ki don 12 ngut ki nonghikai kiba la ai jinghikai ia ki khynnah ha katei ka jaka sah, ba kin kylla ka jingim.
Ki don kumba 300 ngut ki khynnah kiba la pynsah ha katei ka jaka kiba kynduh ia ki jingjia bapher bapher.
Ka Director ka la ong ba ha kine ki jaka pynsah, la don ki nonghikai kiba long kum ki kmie ki kpa bad kiwei kiwei ban saindur ban hikai ia ki ban kylla ia ka jingim kaba bha ba kin lait na ka jingkhuslai bad ki jingeh. La hikai ruh ia ki jingshna ba bun jait bad ia kine ki tiar la die pat ba kin ioh pisa.
Ka Social Welfare ka la ri ka sumar ruh ia ki longkmie kiba ktah khlieh bad ki don 75 ngut bad na kine, 66 ngut kim dei ki riewlum kiba dei nabar jylla.
Shuh shuh ka la ong ba ka tnad Social Welfare ka la iateh bad ka Shubham Foundation ban sam jingsop sha ki khynnah khnang ban lait na ka jingpep skul jongki namar ba ki ju pep skul ha ka por ba ki poi bnai bad kane kan pynkut noh ia ka jingpep skul jongki bad la iarap ia ki lyngba ki Aganwadi Worker bad ki longkmie ba shem jingeh ki lah ban phun ha u number 1098.
Ka sorkar ka la ai jingiarap ruh ia ki longkmie ba shah ieh lok ne kiba kylla longkmie marwei bad kiba la tymmen kiba don kumba 69 hajar ha ka jylla bad la ai jingiarap 750 man u bnai.
Kumba 300 ngut ki kiba hapoh 18 snem | uba 13 snem na Nongrah, u don ha Observation Home: Director
