Shillong: Ka sorkar jylla ka la pynkhreh ban pyllong ia ka elekshon ban jied ia ki MDC sha ka Garo Hills Autonomous District Council (GHADC).
Ka jingialang ka kynhun myntri ne ka cabinet ha ka 29 tarik Risaw 2025, ka la mynjur ia ki jnit ki jnat ban pynkhreh ia ka elekshon khamtam ban pynbiang ia ka thup kyrteng ki nongthep vote kiban shim bynta ha ka elekshon.
Ka elekshon sha ka GHADC kan sa long lashem snem 2026 ban wan.
Kiwei pat ki rai ka sorkar ki long ban pyntreikam ia ka jingbthah ka Supreme Court ban thung pura ia ki Special Educator ban hikai ia kiba duna dkhot met, ban pynwan dur thymmai ia ki skul SSA, nangta ka jingpynkylla ia ka Schedule XI ka Meghalaya Legal Metrology (Enforcement) Rules, 2011.
Ka la mynjur ruh ia ka (i) Draft Code on Wages Meghalaya Rules, 2024 (ii) the Draft Meghalaya Occupation Safety, Health and Working Conditions Rules, 2024, iii) Draft Code on Industrial Relations Meghalaya Rules, 2024 bad ka (iv) the Draft Code on Social Security Meghalaya Rules, 2024.
Ym pat pynbna Tarik ka sorkar ia ka elekshon sha GHADC
