Shillong: U President ka Meghalaya Pradesh Congress Committee (MPCC) u bah Vincent H Pala ula ong ba jan baroh kiba don ha ka Congress kila iakmen halor ka jingwan phai biang u Zenith M Sangma.
Haba kren halor kane mynta ka sngi, u bah Pala ula ong ba ka party ka la iakren kumba lai bnai eiei shwa ban shim ia ka rai ban pdiang ia u Zenith. Ula ong ba u Zenith u dang shu mih lai snem eiei bad kam pat don eiei ka jingkylla kaba jur namar ba ha ka por ba u don ha ka Congress ula long u nongialam jong ka party bad u sngewthuh bha ia ka kam jong ka party.
Ha kajuh ka por, ula ong ba ym tang ma u, hynrei iwei ki nongialam ruh ki dang don bun kiban wan rung tangba ki ap shwa ia mynta.
Halor u Dr. Mukul Sangma, u bah Pala ula ong ba ka kyrdan jong u Dr. Mukul ka long da kawei ha kaba um lah ban iakren hynrei ka shong ha ka seng ha Delhi bad hap ban khot ruh ia ka jingialang jong ka Congress ha Garo Hills.
Na ka liang jong u shimet, u bah Pala ula ong ba um don eiei pyrshah ia u Dr. Mukul bad u Dr. Mukul ruh u la ong ia u ba u mih na ka Congress kam dei na u hynrei namar ba kila don lypa ka jingthmu. U bah Pala u la ong ba ha ka por ba u long Myntri sorkar u Dr. Mukul, ma u, u dang long ophisar bad kum u briew um don kano kano ka jingeh ban pdiang ia u hynrei ka shong pat ha ka party na AICC.
U Dr. Mukul u iapher bad u Zenith, lada u rung hap rai ka AICC: Pala
