Shillong: Ka jinglehkai ha Pongtung kaba la tip kum ka 5th Kiw Sing Memorial Football Tournament 2025, kaba la pyniaid da ka Seng Treilang Sport and Cultural Club, Pongtung (STSCC), ka la poi mynta sha ka Semifinal.
Ha kane ka bynta, ka Mawshun SC bad ka Nongthymmai SC kin ia kynduh ha ka 30 tarik October 2025 ban iaknieh ban ioh rung sha ka Final jong katei ka lympung.
Kum ban shu pynkynmaw, ia kane ka tournament la pynlong tang ia ki club kiba don hapoh ka thain Riwar Mihngi bad Plielad, da ka thong ban pyniatylli bad pynroi ia ki samla kiba don hapoh ka dong ka thain.
Ka long ruh kaba dei ban kdew ba kane ka dei ka tournament kaba heh duh ha ka thain, ha kaba ki don haduh 32 tylli ki team shnong kiba la wan ban shim bynta. Ka lympung ka la long kaba shongshit bad kaba itynnad bha, ha kaba ki khun samla jong ka dong ki ioh ban sei pyrthei ia ka sap ka phong jong ki ha ka phang sports. Ka jingdon bynta bad ka jingkyrshan jong ki nongpeitkai ruh ka la ai mynsiem bad jingkhlaiñ ia ki player kiba la shim bynta ha kane ka jinglehkai.
Na ka liang ka Club, ngi khot bad wer iaphi baroh ki riewieit football ban wan sakhi ia kane ka Semifinal ka ban long ha ka 30 tarik October 2025, ha ka por 2:30 janmiet, ha madan STSCC Pongtung.
Yn iaknieh rung Final ka Mawshun SC bad ka Nongthymmai SC ha Pongtung
