Shillong: Ka sorkar jylla ka la mynjur ia ka Meghalaya Village Organisation Rule 2025 na ka bynta ban pynkhlain ia ki Village Defence Party (VDP) ha ki shnong ban wanrah ia ka shongshngain.
Ia kane la mynjur da ka jingialang ka kynhun myntri mynta ka sngi. U nongaiktien ka sorkar uba dei ruh u myntri, u bah Wailadmiki Shylla ula pyntip ba ka sorkar ka la pynkiew ruh ia ka bai thep pla ia ki VDP na ka 300 tyngka sha ka 3000 tyngka.
U la ong ba ka sorkar ka kwah ban pynkhlain ia ka jingtrei jong ki VDP ban tehlakam ia ki kam bymman ha ki shnong ki thaw ryngkat ka jingiatreilang bad ki pulit, khamtam sha ki thain khappud.
Ai bai thep pla ka sorkar T.3000 ia ki VDP ban pahara ia ka imlang sahlang ha shnong
