Shillong: U Myntri Rangbah ka jylla u Conrad K. Sangma, mynta ka sngi ula plie ia ka Block Integrated Development Complex (BIDC) ha Pynursla C&RD Block, East Khasi Hills District ha ka jingdon lang u Symbud Myntri Rangbah bah Prestone Tynsong, bah Sanbor Shullai bad kiwei.
Haba kren ha ka jingialang, u myntri rangbah ula pynpaw ia ka jingiaroh ia ki ophisar ka Pynursla C&RD Block bad ia ki paidbah halor ka jinglah ban plie ia kane ka jingtei kaba donkam eh, na ka bynta ban ai ka jingshakri kaba kham paka ia ki paidbah.
U Conrad ula ong ba ka jingpynbha ia ki ophis sorkar, ka dei ka thong kaba kongsan bha kane ka sorkar naduh ba ka synshar ha u 2018. U la ong ba ki skhim ki lah ban ym kylla hynrei ka thong ka long ban pynthikna ba ki skhim ki dei ban poi beit sak bad thik sha ki paidbah ha ka rukom kaba biang bad kaba janai.
U la ong ba ki don ki Block kiba treikam mynshwa tang ar tylli ki kamra bad kane ka sorkar ka la leh ban pynbha ia ki, kiba khlem leh ha ki 30-40 snem mynshwa.
U la pynbna ba baroh ki 56 tylli ki Block ha ka jylla kin ioh lut ia ki ophis kiba paka bad mynta ki don kiba dang shna bad kiba la plie ruh.
U myntri rangbah ula ong ba ka sorkar ka la pyllut kkumba ₹150 klur ban tei tang ia kawei ka ophis thymmai.
Plie u Conrad ia ka BIDC ha Pynursla ban ai jingshakri kham janai ia ki paidbah
