Shillong: U MLA barim ka Rangsakona u Zenith M Sangma ula phet noh na ka TMC bad ula lah ban leit phai biang sha ka Congress.
U Zenith u dei u para trai jong u Dr. Mukul Sangma, uba dei u myntri rangbah barim bad u nongialam liangpyrshah ba mynta na ka TMC. U Zenith M Sangma ryngkat u Dr. Mukul lem bad kiwei, kila pyniasoh sha ka TMC shwa ka elekshon 2023 hadien ba kila phet noh na ka Congress hynrei u shah rem ha ka NPP, katba u Dr. Mukul u jop.
Katkum ka khubor, u Zenith u lah ban leit phai biang sha ka seng Congress hadien ba ula mih noh na ka TMC bad ki nongpeit pyrman, kila suba jur ba lada u Zenith un leit biang sha ka Congress, ka lah ban long ba wat u Dr. Mukul bad kiwei ruh ki lah ban leit phai biang sha kane ka seng barim.
Phet noh u para u Dr. Mukul, u Zenith na ka TMC, lah ban rung biang sha ka Congress
